Алматы қ., A15P5B5, Сәтбаев к., 30/8, 4-қабат

Нұр-Сұлтан қ., Z00T6E0, Иманов көшесі, 11, 104-кеңсе

Тел: +7 (727) 312-24-49

Алматы қ., A15P5B5, Сәтбаев к., 30/8, 4-қабат

Нұр-Сұлтан қ., Z00T6E0, Иманов көшесі, 11, 104-кеңсе

Тел: +7 (727) 312-24-49

«Астана Банкі» АҚ салымшыларына агент банк өтем төлеуді жалғастырады

«Астана Банкі» АҚ салымшыларына агент банк ретінде кепілдік берілген өтем (бұдан әрі - өтем) төлейтін «Еуразиялық банк» АҚ-пен арадағы келісімнің қолданылу мерзімі – 2021 жылдың 1 мамырына дейін ұзартылды.

Еске саламыз, «Астана Банкі» АҚ-та шоттары, төлем карточкалары және депозиттері бар салымшылар (жеке тұлғалар мен жеке кәсіпкерлер) өтем алуға құқылы. Теңгелік депозиттер бойынша (салымдар, ағымдағы шоттар және төлем карточкаларын қосқанда) ең жоғары төлем сомасы – 10 миллион теңге; шетел валютасындағы депозиттер бойынша – 5 миллион теңге.

Бір салымшының «Астана банкі» АҚ-та теңгеде және шетел валютасында орналасқан депозиттері бойынша төленетін жиынтық шекті сома – 15 миллион теңге. Бұл жерде әрбір депозит түрі бойынша шекті сома ескеріледі.

Барлық төлемдер тек теңгемен жүзеге асырылады. Шетел валютасындағы салымдар бойынша өтем сомасы банкті мәжбүрлеп тарату туралы сот шешімі заңды күшіне енген күні – 2019 жылдың 9 қаңтарына қарай қалыптасқан валюта айырбастаудың нарықтық бағамы бойынша есептеледі.

Жеке өзі келген жағдайда салымшының жеке басын куәландыратын құжаты болса жеткілікті, ал сенім артылған тұлға келетін болса, құқық белгілеуші құжаттарды ұсынады (мысалы, нотариус куәландырған сенімхат).

Салымшылар кепілдік берілген өтем алудың өздеріне ыңғайлы кез келген тәсілін: агент банктің кассасынан қолма-қол ақшамен, ақшаны агент банктегі банк шотына аудару немесе кез келген басқа банк арқылы алуды таңдауға құқылы. Бұл ретте банк деректемелері салымшының өтінішінде нақты көрсетіледі.

Агент банкі «Астана Банкі» АҚ салымшыларына өтемді 2019 жылғы 26 қаңтардан бастап Қор атынан және қаражаты есебінен төлейді. Екі жарым жылда «Астана Банкі» АҚ салымшысы жалпы сомасы 37,2 млрд теңгеге кепілдік берілген өтем алды. Бұл Қор міндеттемелерінің жалпы сомасының 99 пайызын құрайды. Бұл ретте өтем алуға 63 мыңнан астам немесе салымшылардың жалпы санының 23 пайызы өтініш берген.

Сонымен қатар, 205 мыңнан астам салымшы өтем алуға әлі өтініш берген жоқ. Агент банкке келушілер санының аз болуы «Астана Банкі» АҚ-та ашылған шоттар мен депозиттердегі қалдық ақшалардың аздығына байланысты болып отыр. Нақты айтар болсақ, 165 786 салымшының әрбірінің шотындағы қалдық ақша 1000 теңгеден төмен, сондай-ақ 30 015 салымшының шоттарында – 1 000 теңгеден 5 000 теңгеге дейін болса, 4 766 салымшыда – 5 000 теңгеден 10 000 теңгеге дейін бар.

Дегенмен «Астана Банкі» АҚ-тағы шоттарында 100 000 және 1 000 000 теңгеден астам қаражат жинаған салымшылардың да бар екенін айта кеткен жөн. Қордың кепілдік берілген өтемді алмаған салымшылар алдындағы міндеттемелерінің қалдық сомасы шамамен 160 млн теңгені құрайды.Сондықтан Қор осы және кепілдік берілген өтемді алуға құқығы бар басқа да салымшылар үшін агент банк арқылы төлем алу мерзімін соңғы күнін қоса санағанда 2022 жылдың 1 мамырына дейін ұзартты.

2022 жылдың 1 мамырынан кейін «Астана Банкі» АҚ салымшылары бұрынғыдай Қорға өтем алуға тікелей өтініш бере алмайды. Қор талап етілмеген кепілдік берілген өтемді Қазақстан Республикасының зейнетақымен қамсыздандыру заңнамасына сәйкес депозитордың атына Бірыңғай жинақтаушы зейнетақы қорында ашылған, ерікті зейнетақы жарналарын есепке алуға арналған жеке зейнетақы шотына аударады.

Қор кепілдік берілген өтемді алу үшін агент банктің бөлімшелеріне соңғы күнін қоса санағанда 2022 жылдың 1 мамырына дейін жүгінуге табанды түрде кеңес береді. Агент банктің филиалдары мен бөлімшелерінің тізімін https://eubank.kz сайтынан көруге болады. Сондай-ақ филиалдар мен бөлімшелердің жұмыс уақыты туралы ақпаратты анықтама қызметінің +7 (727) 332-77-22 телефон нөмірі бойынша алуға мүмкіндік бар.

Төлем сомасын есептеуге байланысты сұрақтар туындаған жағдайда, салымшылар «Астана банкі» АҚ тарату комиссиясына мына мекенжайлар бойынша жүгінулері қажет:

• Алматы қ., Төлебаев көшесі, 38/61, «Жетісу» БО, 3 қабат (Мақатаев көш. бұрышы), телефон: +7 (727) 259 60 60;
• Нұр-Сұлтан қ., Ғабдуллин көшесі, 18, ВП-3, «Е» блогы, телефон: +7 (717) 255 93 17;

• Атырау қ., Сәтбаев көшесі, 19, «Атырау Plaza» БО, телефон: 8 (712) 255 80-21, 8 (729) 270-10-25;

• Шымкент қ., Б. Момышұлы, 25, телефон: 8 (725) 299-71-80;

• Қарағанды қ., Бұхар Жырау даңғылы, 51/4, телефон: 8 (721) 255-99-01;

• Өскемен қ., Қабанбай батыр көшесі, 140, телефон: 8 (723) 256-09-96.

Депозиттер бойынша кепілдіктер және төлемдерді жүзеге асыру туралы жалпы ақпараттар Қордың www.kdif.kz сайтында қолжетімді. Салымшылар ақыл-кеңес алу үшін 1460 телефон нөмірі, ҚДКБҚ сайтындағы чат, @kdif_ask Телеграм-чаты, Қордың Facebook және Instagram желілеріндегі deposit.kz ресми парақшалары, сондай-ақ info@kdif.kz электронды поштасына жазу арқылы өтініш білдіре алады.