Қазақстанның депозиттерге кепілдік беру қоры» АҚ Директорлар кеңесі құрамындағы өзгерістер туралы ақпарат

Қазақстанның депозиттерге кепілдік беру қоры» АҚ Директорлар кеңесі құрамындағы өзгерістер туралы ақпарат

2015 жылдың 6 наурызында Қазақстан Республикасының Ұлттық Банкімен «Қазақстанның депозиттерге кепілдік беру қоры» АҚ (бұдан әрі – Қор) акциялар шығарылымы проспектісіне Қор Директорлар кеңесі құрамының өзгеруіне байланысты тиісті өзгерістер мен толықтырулар мемлекеттік тіркеуден өтті. Қор акциялар шығарылымы проспектісіне өзгерістер мен толықтырулар 2015 жылғы 5 ақпандағы №196 Қор Акционерінің «Қазақстанның депозиттерге кепілдік беру қоры» акционерлік қоғамының Директорлар кеңесі мүшесінің өкілеттіктерін уақытынан бұрын тоқтату және «Қазақстанның депозиттерге кепілдік беру қоры» акционерлік қоғамының Директорлар кеңесіне мүшесін сайлау туралы» шешіміне сәйкес енгізілді, сол себепті Қор Директорлар кеңесінің мүшесі Смоляков Олег Александровичтің өкілеттіктері уақытынан бұрын тоқтатылды.  

Акционердің осы шешімімен Қор Директорлар кеңесінің құрамына Акционердің өкілі ретінде Қазақстан Республикасының Ұлттық Банкі Төрағасының кеңесшісі Раева Роза Елізбайқызы енгізілді.